याक आनुवांशिक स्राेत केन्द्र

याक आनुवाँशिक स्रोत केन्द् कोशी प्रदेशको दुर्गम हिमाली सोलुखुम्बुको खुम्बु पासाङ ल्हमु गाउपिलका वडा नं. ४ स्याङबोचे अवस्थित रहेको छ। करिब ३८८० मिटरको उचाइमा अवस्थित यस फार्मको स्थापना विक्रम संवत २०३० साल बैशाख ७ गते तत्कालिन महाराज विरेन्द्र विर विक्रम शाहदेवबाट भएको थियो।स्थापना कालमा यस फार्मको नाम चौरी फार्म रहेको भएतापनि आर्थिक वर्प २०३६/३७ मा नाम परिवर्तन भई पशु विकास फार्म रह्यो। यस्तै विक्रम सम्वत २०६१ साल बैशाख ०१ गतेदेखि याक विकास फार्मको नामले चिनिन थालेको यस फार्मलाई नेपाल संघीय संरचनामा गईसकेपछि मिति २०७५ साल श्रावण ०१ गते देखि याक आनुवांशिक स्रोत केन्द्रको रुपमा स्थापित भएको छ।याकनाकको संरक्षण, प्रवर्द्धन तथा विकासको लागि स्थापित यो नेपालको एकमात्र संस्था हो।